چینی خلا باز تین ماہ کی طویل سفر کے بعد زمین پر واپس آگئے

 چینی خلا باز تین ماہ کی طویل سفر کے بعد زمین پر واپس آگئے

فرانسیسی خبر رساں ایجنسی اے ایف پی کا کہنا ہے کہ چین کے تین خلا بازوں کا خلا میں تاریخی طویل ترین خلائی مشن  کو کامیابی کے ساتھ پایہ تکمیل تک پہنچا کر زمین پر واپس پہنچ گئے ۔ ان کا مزید کہنا ہے کہ  جمعے کے روز تینوں خلابازوں کو زمین پر کامیابی سے لینڈ کیا، ان خلا بازوں کو خلاء میں لے جانے والے  "کیپسول " نے صحرائے گوبی میں لینڈ کی۔

تینوں خلاء بازوں نے میڈیا کو بتایا کہ  "90 دن یعنی تین مہینے کی طویل ترین خلائی مشن  یا خلائی سفر کے بعد زمین پر واپس آکر انتہائی اچھا لگ رہا ہے"۔

چین کے سپیس ایجنسی کا کہنا ہے کہ خلاباز چونکہ طویل سفر کرنے کے بعد خلا سے واپس آئے ہیں تو ہوسکتا ہے کہ ان میں قوت مدافعت متاثر ہو، اس لیے ضروری ہے کہ وہ گھر جانے سے پہلے چودہ دن تک قرنطینہ میں گزاریں۔

یہ مشن چونکہ چین کے اُس سپیس پروگرام کا ایک انتہائی حصہ تھا جس کی مدد سے ایک خلائی گاڑی کو مریخ اور چاند پر بھیج دیا گیا۔ اس خلائی مشن کے دوران تینوں خلا بازوں نے چینی سپیس اسٹیشن پر سپیس واک بھی کیا اور مختلف سائنسی تجربے کیے۔ چینی اسپیس ایجنسی کا دعویٰ ہے کہ اس مشن کی کامیاب تکمیل مستقبل میں اس طرح کے اور بھی مشن کو آسانی سے مکمل کرنے کے راستے ہموار کرے گی۔ اس خلائی مشن کے سربراہ ایئر فورس کے پائلٹ نیئیی ہیشینگ تھے جو کہ اس سے پہلے بھی دو مختلف خلائی مشنز پر جا چکے ہیں جبکہ ان کی ٹیم کے باقی دونوں خلاباز بھی فوج میں خدمات انجام دے رہے ہیں۔