بھارتی غریب کسان ایک لمحے میں امیر ترین بن گیا:

 بھارت کے ریاست مدھیہ پردیش میں ایک انتہائی غریب کسان کو اُس وقت اس کی قسمت پھوٹی جب وہ فصل بونے کے لئے کاشت کرتے وقت اپنی زمین کی کھدائی کر رہا تھا۔ ایک قول سچ ثابت ہوگئی کہ "دینے والا جب بھی دیتا، دیتا چھپر پھاڑ کے"۔ کاشت کے دوران کسان کی نظر اچانک ایک چمکتی ہوئی چیز پر پڑی، اُس نے اٹھا کر پتھروں کے ماہر کو دکھانے سے معلوم ہوا کہ وہ ایک بیش بہا قیمتی پتھر کا مالک بن گیا ہے۔

رپورٹ کے مطابق پینتالیس سالہ کسان کھیتی باڑی کرکے ہی اپنے خاندان کو پالتا تھا اور مشکل سے اس کا گزارہ ہوتا تھا۔ ایک دن فصل کی کاشت کے دوران اس کو قیتمی پتھر مل گیا جس کی قیمت بھارتی ساٹھ لاکھ روپیہ ہے۔ کسان کا کہنا ہے کہ وہ مشکل سے اپنے خاندان کی کفالت کرتا تھا اب وہ خوشی سے نہیں سما رہا اور اب آرام سے بغیر کسی تکلیف کے اپنے خاندان کی اچھی طرح کفالت کرے گا اور بالخصوص بچوں کی تعلیم دلانے میں کوئی کسر نہیں چھوڑے گا۔